He haerenga tōpū, he mātātoa anō a Whānui: he kohinga kaupapa toi e whai wāhi atu ai te tangata, otirā, he tūāhua e piri ai, e whai wheako anō ai tētahi kāhui kanorau motuhake e noho nei ki Tāmaki Makaurau ki ētahi mahinga toi e tau ana ki ngā tini tōpito

I te tau 2020, ka ū tonu a Whānui ki te hura i ētahi o ngā kura kōrero me ngā takiwā e motuhake ana ki tō tātou tāone nui.

Ki te Take o te Maunga
Ka mahi tahi ngā iwi o ngā takiwā tūtata o Tāmaki me Maungakiekie kia panonihia ai he whaitua tūmatanui. Mā tēnei whakawhitiwhitinga e kitea ai te waihangatanga mai o ētahi mahinga toi nui mārika i ō rātou hapori, ā, ka whakaatuhia ki Onehunga me Mauinaina. He mea whakarite ngātahi ki te Tarahiti Ohaoha o TGTB, he mea ārahi nā te ringatoi, nā Chantel Matthews ko Bobby MacDonald.

He Kura Toi
He mea whakatōpū i ngā pūkenga taketake o te rangatahi ki ērā o ngā mātanga toi whakaari, he wānanga whakaihiihi hou a He Kura Toi e honohono ai ētahi ringa ngaio nō ngā rāngai toi whakaari, toi auaha anō, ki ētahi arero reo Māori i te uru o Tāmaki Makaurau. Ka whai wāhi ētahi taiohi kei ngā Tau 12 me te 13 i te kura ki tētahi hōtaka motuhake ka whakakapitia ki tētahi hui whakanui i ngā tūmanako o te rangatahi mā roto mai i te Whakaari, i te Kori, i te Puoro anō. He mea ārahi nā ngā pūkenga whakaari, nā Ani-Piki Tuari rāua ko Krystal Lee Brown, ā, me tētahi tōpūtanga o ngā pūkenga whakaari taiea o Aotearoa.

He UTUKORE, he nui mārika hoki ngā huihuinga whakaū i te ora, he pāhekoheko, hei torotoronga hoki mā te hunga hiakai.

Nau Mai Haere Mai – haere mai ka rongo ai i te reka o tētahi o ngā tino wāhi o te Ahurei, o Whānui!


Hei ākuanei tukuna ai ngā rā me ngā taipitopito

 

Raymond Sagapolutele 
He Mokopuna He Tūpuna – he mea waihanga nā te ope tapere o Te Pou, me ētahi tamariki o Te Kura Kaupapa Māori o Te Kōtuku, ā, me ētahi kaumātua anō o Te Rōpū Kaumātua o Te Whānau o Waipareira (2019)

He mea tautoko nā

CNZ smaller8Foundation North